لوگ بھی وہی رہتے ہیں، حالات وہی ہوتے ہیں۔ آپ کے ارد گرد کا ماحول بھی پہلے جیسا ہی رہتا ہے۔ تبدیل ہوتا ہے تو ہمارا انہیں دیکھنے کا انداز اور یہی وہ اہم ترین پہلو ہے جس کی اہمیت اور ضرورت میں مقدس سے ملنے کے بعد سمجھ پائی۔ کسی بھی طرح کے حالات و واقعات سے کیا نتائج اخذ کیے جا سکتے ہیں یہ ہمارا نقطہ نظر طے کرتا ہے۔ یہ اس قدر اہم ہے کہ چاہیں تو آپ ذرا ذرا سی باتوں کو ساری زندگی خود پہ سوار کیے رکھیں اور چاہیں تو شدید گھٹن زدہ ماحول میں رہنے کے باوجود اپنے اندر کشادگی پیدا کرنے کے قابل بنیں۔ ایسی کشادگی جو صحت مند زندگی کی ضامن ہے۔
میرا گرین زون سے پہلا اور بہت خوبصورت تعارف ڈاکٹر خالد سہیل اور دیگر سپیکرز کے ساتھ ایک گوگل میٹنگ تھی۔ اپنے متعلق میں یہ بتانا چاہوں گی کہ آغاز سے اکیڈمک کیرئیر بہت اچھا رہا۔ ہم نصابی سرگرمیوں میں بھی گاہے گاہے شریک ہوتے رہے لیکن میڑک اور ایف ایس سی کے چار سال جو کسی بھی طالب علم کےلیے بہترین یادگار ہوتے ہیں وہ دھند کی لپیٹ میں گزرے۔ ایک ایسی دھند جس میں اچھے دوست اور دوستانہ مزاج کے اساتذہ رہے بھی تو نا ہونے کے برابر تھے۔ یہاں سے ایک عجیب تناؤ جس کے پیچھے بہت سارے عوامل رہے لیکن ان میں سب سے اہم گورنمنٹ اداروں کا مخصوص ماحول، خاصے سمجھدار اساتذہ کی جانب سے فیورٹزم، ججمنٹل رویے، طنز اور استہزائیہ لہجوں کو دیکھتے اور ان سے نمٹتے ہوئے چند ایک اچھی یادوں کے ساتھ یہ چار سال جیسے مکمل ہوئے پہلی بار میں نے اس کے متعلق مقدس سے بات کی تھی۔ یہ سب باتیں بہت سے لوگوں کے لیے معمولی ہو سکتی ہیں لیکن ایک طالب علم کے لیے، جب وہ ایک مخصوص ماحول میں رہا۔ یہی مسئلے بہت بڑے بن جاتے ہیں جن سے وہ اُس وقت نمٹ رہا ہوتا ہے۔ خاص کر تب جب ایسی صورتحال سے نمٹنے کے لیے کوئی رہنمائی میسر نہ ہو۔ ایسے چھوٹے چھوٹے واقعات جو آپ کے اپنی ذات پہ کیے جانے والے بھرپور اعتماد کو حددرجہ متاثر کر دیں۔ آپ کی قوت فیصلہ کو ضبط کر لیں۔ آپ کا اپنے اوپر ہی اعتماد کم ہو جائے۔ میری ایک استاد کے الفاظ آج بھی یاد آئیں تو ویسے ہی کاٹ دار محسوس ہوتے ہیں جب انہوں نے میرے ہاتھ سے میری لکھی ایک تحریر چھین کر کلاس میں بلند آواز سے کہے تھے۔ ایسے بہت سے چھوٹے بڑے واقعات جنہیں بھلانے کے لیے یا ان سے مطلوبہ نتائج اخذ کرنے کےلیے مخصوص طرز سے سمجھانے والا انسان جب تک میسر نہ ہو یہ ہمیں مسلسل تنگ کیے رکھتی ہیں اور ہماری شخصیت پہ بھی گہری چھاپ چھوڑ جاتی ہیں۔ ایف ایس سی کا دورانیہ بھی کچھ یونہی گزرا۔ یکسانیت سے بھرپور یہ دو سال جہاں اکیلے رہنے کی عادت جو گریجویشن میں بھی ساتھ نہ چھوڑ سکی کافی نقصان دہ ثابت ہوئی۔ یہ بات بیان کرنے کا مقصد یہ ہے کہ عمر کا کوئی بھی حصہ ہو آپ کو اچھے لوگوں کی اور اچھے دوستوں کی ہمیشہ ضرورت رہتی ہے۔ آج کل خود اپنے آپ تک محدود رہنا (introvert) ہونا ایک فیشن کے طور پہ نوجوان طبقے میں بہت نمایاں چیز سمجھا جاتا ہے لیکن اس کا سب سے بڑا نقصان یہ ہوتا ہے کیا اپ اپنے اپ کو بڑھنے کا وہ موقع نہیں دے پاتے جو کہ آپ دوسروں کی سپورٹ اور توجہ سے دے سکتے ہیں۔ اس کے بعد 2023 تک مسلسل ناخوشگوار حالات کا سامنا رہا اور اس دوران مجھے انسانی نفسیات سمجھنے میں بہت مدد ملی لیکن یہ وقت اتنا ہی مشکل اور چیلنجگ بھی رہا کہ اس دوران مختلف رویوں سے نمٹنے کی صلاحیت مفقود تھی۔ اس وقت سب سے اہم فیصلہ کمفرٹ زون سے نکل جانے کا کیا جس پہ الحمدللہ میں آج تک قائم ہوں۔ 2023 وسط سے آخر تک مشکل ترین سال رہا۔ میں اس چھ ماہ کے عرصے کو اپنا ریڈ زون کہوں تو بالکل غلط نہیں ہوگا۔ 2024 میں پہلی بار میں نے ایک بولڈ سٹیپ لیا اور ہر ماہ کے آغاز میں تیس دنوں میں مکمل کیے جانے والے ایمز اور گولز لکھے۔ پھر مہینے کے آخر میں اپنے آپ کا تنقیدی جائزہ لینا، جانچنا ایک ایسا تجربہ تھا جس نے میرے اندر ایک نئی طاقت بھر دی اور پھر میں نے باقاعدگی سے ڈائری لکھنا شروع کردی۔ ایک ایسی عادت تھی جس نے مجھے مکمل طور پر تبدیل کر دیا۔ میرا وقت زیادہ پراڈکٹیو گزرنے لگا۔

سوال یہ ہے کہ ان سب میں گرین زون اور مقدس مجید نے کیا کردار ادا کیا۔ یہی بات بتانے کے لیے آپ سب کو یہ طویل مختصر تحریر پڑھنے کی زحمت دی۔ اگر میں ان ساری چھوٹی چھوٹی چیزوں پہ جو مجھے ایک لمبے عرصے سے تنگ کر رہی تھیں۔ وہ سوال جو میرے ذہن میں خود اپنے متعلق تھے۔ وہ لیبلز جو مجھ پہ لگے ہوئے تھے ان کے بارے میں مقدس سے بات نہ کرتی اور
Channelization of random thoughts , Selective ignorance , Different emotional zones, Clarity in thinking patterns
وغیرہ نہ سیکھتی، تو کبھی بھی ان غیر ضروری چیزوں کے بارے میں پتہ نہ چلتا جن کے متعلق میں بلاوجہ پریشانی ہوتی رہی۔ ایک اور اہم ترین مسئلہ یہ تھا کہ بہن بھائیوں میں سب سے بڑے ہونے کے باعث مجھے بی ایس کے چوتھے سیمسٹر میں محسوس ہوا کہ میں گریجویشن کے متعلق راہنمائی نہ ہونے کے باعث محدود اداروں اور تین سے چار میسر مضامین کی فہرست میں سے بظاہر اپنے لیے بہترین مضمون چننے کے باوجود مضمون اور ماحول دونوں سے ہی مطمئن نہیں۔ اور اس کی اہم وجوہات مکمل راہنمائی نہ ہونا، گریجوئیشن کے متعلق محدود معلومات اور چناؤ کے دوران دو مضامین میں سے ایک چن لینے کا محدود سا اختیار اور لاعلمی کے باعث اہلیت کے باوجود کسی بڑے ادارے میں نہ جا پانا وغیرہ ہیں۔ جب میں نے دوسرے شہروں کے بہترین اداروں میں بی ایس کے مضامین میں تنوع دیکھا مجھے احساس ہوا کہ کیمسٹری اور ان چند مضامین کے علاوہ ایسا بہت کچھ تھا جو بروقت پتہ چلتا تو اس کے متعلق سوچا جا سکتا تھا۔ اس بارے میں مقدس سے بات ہوئی اور جس طرح اس کا محتاط حل نکالا گیا اس چیز نے مجھے حوصلہ دیا کہ ابھی بھی بہتری کی کوشش کی جا سکتی ہے۔ یہاں سے تبدیلی کا رستہ بھی نکالا جا سکتا ہے۔ یہ تحریر شاید ان لوگوں کے لیے اس طرح کارآمد نہ ہو جو ایک لمبا عرصہ پریکٹیکل لائف میں گزار چکے ہیں لیکن یہ تحریر ان سب کے لیے ضرور ایک سبق ہے۔ جو اب اپنی زندگی شروع کرنے والے ہیں اور پریکٹیکل لائف میں قدم رکھنے والے ہیں۔

اس سب کا خلاصہ یہ ہے کہ کبھی کبھار حالات سمجھ سے باہر ہو جائیں تب بھی بس شعوری طور پہ آگے کی جانب پڑھنے پہ مجبور کرتے رہیں خود کو۔
Just let things be.
کیوں کہ وقت کسی نا کسی طرح گزر ہی جائے گا۔
Cognitive Re framing , Mindfulness and Lucid Thinking , Emotional Literacy , Emotional Intelligence , Mindful Detachments
یہ سب وہ چیزیں ہیں جو میں نے گرین زون کے سیشنز مقدس مجید کے ساتھ اپنی گفتگو اور گروپ میں مختلف ممبرز کے تجربات سے سیکھیں۔ میں نے گرین زون کے سفر کے دوران یہ سیکھا کہ غیر ضروری بوجھ سے کیسے چھٹکارا پایا جائے۔ خود پہ لگے لیبلز کو عملی طور پہ کس طرح سے ختم کیا جائے۔ خود کو پازیٹو انرجی کا احساس کیسے دلایا جائے۔ شعوری طور پہ ان چیزوں اور لوگوں کو جو یقینا آپ کے ساتھ بہت اچھے ہیں ان سے کیسے خود کو الگ کیا جائے۔ اگرچہ اپ ان کے ساتھ اپنے تعلق میں ہمیشگی اور پختگی چاہتے ہیں اس کے باوجود اگر چیزیں اپ کے حق میں نہیں جا رہیں تو کیسے خود کو پرسکون رکھتے ہوئے ایسی صورتحال سے نکالا جائے۔ ایک وقت آئے گا جب ہر بے ترتیب چیز ایک ترتیب میں آنے لگے گی۔ بس اس بات کو یقینی بنائیں کہ پرسنل گروتھ کبھی رکنے نہیں دیں گے۔ غلطیاں کرنے سے نہ گھبرائیں۔ رسک اٹھانے سے مت ڈریں۔ اپنے آپ کو ایسے لوگوں کے درمیان رکھیں جو آگے بڑھتا ہوا دیکھ کے نا صرف خوش ہوں بلکہ آپ کی مدد بھی کریں۔ ان چاہے رشتوں، لوگوں اور حالات کو چاہے وہ کتنے ہی قریبی یا اہم کیوں نہ ہوں، اپنانے کے بجائے اچھے طریقے سے انکار کرنا سیکھیں۔ ایسے لوگوں، رویوں اور ایسے حالات پہ عبور پانا سیکھیں جو آپ کی ذہنی صحت کو متاثر کر رہے ہیں۔ بہتری کی جانب سفر جاری رکھیں۔ تھک جائیں تو سستا لیں لیکن کچھ دن، ہفتے، یا چند ماہ بعد دوبارہ وہیں سے سفر شروع کر لیں جہاں سے اپ چھوڑ چکے تھے بڑھتے رہیے۔ اس سفر کے دوران بہت بار آپ کو ان لوگوں سے بھی دور ہونا پڑے گا جن سے دور رہنے کا تصور بھی آپ نہیں کر سکتے۔ ایسی صورتحال میں خود اپنی ذات کو یکجا رکھیں۔ اپنے اپ سے جڑے رہیں۔ خود کو موقع دیں اور اچھے طریقے سے الوداع کہنا سیکھیں۔ تاکہ ان لوگوں رشتوں اور کامیابیوں کو جو غیر متوقع طور پہ آپ کی زندگی میں بطور انعام لکھ دی گئی ہیں اپ کی زندگی میں آنے کا موقع ملے نا کہ ماضی کو اس قدر سوار کرلیں کہ کوئی کرنا چاہے تب بھی آپ کو council نہ کرسکے۔ پرانے بوجھ سے جس قدر جلد ممکن ہو چھٹکارا پائیں تاکہ آنے والی خوشیوں کےلیے جگہ بن سکے۔